Дешамп го брани Мбапе: Килијан е вистински капитен и никогаш не бил егоист

Француската репрезентација ќе има септемвриски обврски во квалификациите, а селекторот Дидие Дешамп наскоро ќе го објави и конечниот список со фудбалерите кои ќе бидат повикани за претстојните натпревари.

Дешамп зборувал пред медиумите за некои интересни теми во пресрет на новата репрезентативна акција, а бил прашан за мислење и за конфликтот меѓу Килијан Мбапе и ПСЖ, посебно што напаѓачот неодамна беше избран за наследник на Иго Лорис и за нов капитен на националниот тим.

– Тоа не е моја работа, јас контактирам со него, како и со другите играчи, но тие си носат одлуки за својата кариера.

– Можам да им дадам мислење ако побараат, но немам обврска да ги советувам.

– Се уште не е роден човекот кој може да го натера Килијан да ја загуби ладнокрвноста, тој е капитен и има целосен легитимитет пред останатите репрезентативци. Со досегашната работа и комуникацијата со играчите, не можам да кажам дека е егоист, – рекол Дешамп.