Дејвис за балканското дуо: Јокиќ и Дончиќ се комедија!

Лука Дончиќ и Никола Јокиќ беа дел од најголемите имиња кои настапија на Ол-старот во Индијанаполис, настан кој беше вистинска забава за балканските ѕвезди кои беа максимално опуштени и уште еднаш потврдија дека имаат навистина одличен однос.

Двајцата беа дел од тимот на Западот за кој настапи и центарот на Лос Анџелес Лејкерс, Ентони Дејвис кој имаше што да каже за Словенецот и Србинот.

-Лука и Јокиќ. Овие момци се комедија! Тие се навистина забавни. Добро е да се биде на другата страна после се што прават во текот на играта. Тие беа навистина одлични, -истакна Дејвис кој води големи битки со двајцата низ изминативе години.