Данска не го дава врвот, со моќно издание против Франција до нова светска титула

Репрезентацијата на Данска е „старо-нов“ светски шампион откако во денешното финале славеше убедлива победа од 34:29 против селекцијата на Франција.

Данците со оваа победа станаа првата репрезентација која трипати по ред го освојувала највисокото одличје од Мундијалот откако тоа и успеа и во 2019 и во 2021 година.

Данска, предовдена од Расмус Лаге и Симон Питлик ја имаше предноста во текот на целиот натпревар и во ниту еден момент не дозволи Франција да дојде до позитива.

Токму Лаге беше најефикасен поединец на теренот со десет постигнати голови, а Питлик постигна еден помалку.

Во таборот на Франција Ремили постигна шест голови, а Дика Мем натпреварот го заврши со пет реализирани удари.