Далиќ: Бев лут на полувреме, сега мислиме само на клучниот меч

Најавите на Златко Далиќ се остварија и Хрватска доби шанса самата да решава за својата судбина, откако „коцкестите“ на најдобар можен начин го прифатија подарокот од Велс.

Островјаните не успеаја да славата во Ереван и одиграа само 1:1 против Ерменија, а неколку часа подоцна, Хрватска славеше на гостувањето во Летонија со 0:2.

Оваа победа ја однесе Хрватска на второто место и го прескокна Велс на табелата, па сега во завршното квалификациско коло потребно е да оствари било каква победа против Ерменија на домашен терен.

– Морам да им честитам на момците за победата, добро ја завршивме работата, имавме авторитет и самодоверба. Дадовме два гола и во вториот дел мирно го приведовме мечот до крај. Дојдовме до тоа што сакаме, сега сме во ситуација само да одлучуваме за пласман на Европското првенство, – изјави селекторот Златко Далиќ, кој призна дека не му се допаднало опуштањето пред крајот на првиот дел.

– Да бидам искрен, бев и лут на полувреме. Водиш 2:0, малку се опушташ и тоа може да донесе до примен гол од некој прекин. За среќа не дојде до тоа и сега можеме да се насочиме кон она што следи. Сега мислиме само на Ерменија и на клучниот меч за нас, – додаде Далиќ.