Спалети откри што му порачал на Жоржињо откако ја загуби пенал битката со Димитриевски

Италија после три меча без триумф ја надигра Македонија и оствари убедлива победа од 5:2, успех кој беше одбележан од три фази во текот на 90-те минути кои беа одиграни во Рим.

„Аѕурите“ беа крајно супериорни и постигнаа три гола во првото полувреме, Македонија се врати и преку Атанасов намали на 3:2, но кога се очекуваше голем притисок за домаќините, видовме уште два гола во мрежата на Столе Димитриевски.

Покрај седумте постигнати гола, Жоржињо не успеа да реализира пенал и беше надмудрен од страна на Столе Димитриевски во првиот дел, па многумина побараа од селекторот Спалети да го промени првиот пеналџија во репрезентацијата.

– Жоржињо имаше навистина многу деликатен натпревар, а одигра одлично. Не се грижете, веќе му порачав дека тој ќе го изведе следниот пенал за Италија и тој се согласи да го направи тоа, – изјави Спалети.

– Да бидам искрен, очекував да има период во мечот во кој ќе страдаме. Нивните два гола дојдоа во краток временски интервал, но наместо да паднеме, ние се наполнивме со енергија и ги свртевме работите во нашата корист со постигнати голови. Покрај двата погодоци кои ги постигнавме, создадовме уште неколку големи шанси, – додаде Лучијано, кој остана највоодушевен од реакцијата по двата примени гола.