Новевски има нов клуб во Србија

Македонскиот интернационалец, Владан Новевски направи промена на клупската средина, но остана во Србија.

Офанзивецот ја заврши приказната со Војводина и во иднина ќе ги брани боите на Вождовац.

-Благодарност до раководството и стручниот штаб на Вождовац за укажаната доверба. Се надевам дека ќе ги оправдам очекувањата и дека ќе ги постигнеме зацртаните цели. Избрав да дојдам овде бидејќи јас и клубот  проценивме дека ова е добра средина за мене, преку квалитетна работа и силни натпревари, да се наметнам и да стекнам искуство за понатамошен фудбалски развој, -порача Новевски кој се обврза на три ипол годишен договор.

Владан има 20 години, има настапи за нашата репрезентација, ама и онаа на северниот сосед, па останува да види која ќе биде неговата последна одлука кога е во прашање националниот дрес.