Македонија се покажа во подобро светло, но Грузија го освои „Борис Трајковски“

Македонската кошаркарска сениорска репрезентација доживеа уште еден пораз од Грузија во квалификациите за Светското првенство.

За разлика од средбата во Тбилиси (91-70) ние вечерва засилени пред се со Димитријевиќ се прикажавме во многу подобро светло, но тоа не беше доволно да избориме позитивен резултат против Грузијците кои славеа во СЦ „Борис Трајковски“ со 79-65.

Двете селекции добија по две четвртини, ние првата и третата, противникот втората и четвртата со таа разлика што гостите беа поубедливи во нивните подобри минути.

Димитријевиќ со 25 поени беше прв стрелец во нашиот табор и на натпреварот, Стојановски додаде 13, а Крстевски 11 кошеви.

Кај победникот Мекфаден се издвои со 24 кошеви, додека центарот Шермадини застана на 13 поени и 8 скокови.

Со четири порази сме на последното место на табелата.