Јокиќ со нов „Сомбор дабл“ за триумф на Денвер, Бостон ја продолжи серијата без пораз

Никола Јокиќ повторно ја презема одговорноста и со својот одличен учинок на теренот донесе нова победа за Денвер во НБА лигата.

Српскиот центар уфрли 28 поени, 16 скокови и 9 асистенции, со што запиша уште еден „Сомбор дабл“ (пропуштен трипл-дабл за една асистенција или скок), а Портер успеал со 27 поени да го покрие отсуството на Џамал Мари, кој се повредил уште во првиот период.

Тејтум со дабл-дабл го предводеше Бостон до петта победа, со што Селтикс со триумфот над Бруклин остануваат единствената екипа без пораз во НБА лигата.

Вагнер и Банкеро со 26, односно 25 поени го предводеа Орландо до победа над Л.А Лејкерс, тим кој не можеше да дојде до позитивен резултат и покрај солидниот настап на Дејвис и Џејмс.

Филаделфија-Феникс 112:100
Њу Орлеанс-Атланта 105:123
Индијана-Шарлот 124:125
Орландо-Л.А Лејкерс 120:101
Хјустон-Сакраменто 107:89
Минесота-Јута 123:95
Бруклин-Бостон 114:124
Денвер-Чикаго 123:101