Јасикевичиус за пресвртот на Реал против Партизан: Тепачката го одлучи победникот

Реал Мадрид избори место на фајнл-фор турнирот на Евролигата по големиот пресврт во серијата со Партизан, а многумина сметаат дека тепачката на вториот натпревар била пресудна за конечниот исход.

Неколку играчи, меѓу кои и Пантер, добија казни, а Реал подобро се снајде во таква ситуација и по двете победи во Белград, го комплетираше пресвртот на домашен терен.

Навивачите на Партизан веруваат дека без инцидентот Партизан би бил дел од завршницата, а сличен став има и тренерот на Барселона, Шарунас Јасикевичиус, чија екипа ќе му биде противник на Реал во полуфиналето на Ф4 турнирот во Каунас.

– Пред тепачката не очекував пресврт, но тоа се промени откако се случи инцидентот на вториот натпревар.

– Да играа двете екипи со најдобрите тимови по втората средба, немаше да очекувам пресврт, – рекол Литванецот.

Барселона вчера триумфираше во дуелот со Обрадоиро во шпанското првенство, но фановите се загрижени поради повредата на Јан Весели.