Извлечени четвртфиналните двојки во Купот, Работнички повторно ќе има највозбудлив предизвик

Извлекувањето во македонската Куќа на фудбалот го одреди изгледот на четвртфиналните парови во Купот, најмасовното фудбалско натпреварување во нашата земја кое полека влегува во втората фаза.

По одиграните осминафинални пресметки кои се одиграа во текот на неделата, ги дознавме осумте патници во завршната фаза, а Работнички кој направи големо изненадување такашто ја исфрли Шкендија, сега ќе има нов тежок предизвик.

„Романтичарите“ ќе играат против Шкупи во четвртфиналето, додека бранителот на титулата Македонија Ѓорче Петров ќе игра против Силекс.

На преостанатите два дуели, во Штип силите ќе ги одмерат Брегалница и Воска Спорт, додека Брера ќе гостува во Кавадарци кај Тиквеш.

Сите четвртфинални натпревари ќе се одиграат на 8-ми ноември во 13:00 часот.