Ѓоковиќ објасни зошто српскиот дубл бил немоќен во решавачкиот меч со Хрватска

Српската репрезентација загуби од Хрватска во полуфиналето на Дејвис купот, а во обидот да избори финале во Мадрид не и помогна и настапот на светскиот рекет број еден, Новак Ѓоковиќ.

Тој го победи Марин Чилиќ во сингл, но заедно со Крајиновиќ не успеа да ги неутрализира Павиќ и Мектиќ кои беа сигурни во решавачкиот дубл меч.

– Влеговме во тој дубл меч верувајќи дека можеме да победиме, иако знаевме дека ќе биде најтежок предизвик.

– Не бевме фаворити затоа што игравме против најдобриот дубл во светот, но не сакавме да излеземе со бело знаме.

– Ние не играме често дубл, но за во иднина мора да најдеме пар кој често ќе игра заедно. Павиќ и Мектиќ се воиграни, едниот постојано е напред, а другиот позади и во секој момент знаат каде ќе падне топчето, – изјавил Ѓоковиќ.

Хрватска во финалето ќе игра против подобриот од дуелот Германија-Русија.