Ѓоковиќ ја објасни својата провокативна прослава по пласманот во финалето на Ју-Ес Опен (Видео)

Новак Ѓоковиќ без загубен сет се пласираше во финалето на Ју-Ес Опен и му одржа лекција на младиот Американец Бен Шелтон, за кого имаше подготвено и провокација откако го освои последниот поен.

Српскиот тенисер ја ископира препознатливата прослава на Шелтон и малку ја измени на свој начин, односно „му спушти слушалка“ на противникот кој го заврши својот настап во полуфиналето.

Новак во недела ќе се бори за својата 24-та грен слем титула во кариерата и негов ривал ќе биде Данил Медведев, но пред да почне да ја анализира играта на Русинот на Флешинг Медоус, мораше да даде одговор за провокацијата во полуфиналето.

Ѓоковиќ доби свирежи од гледалиштето на „Артур Еш“ за својот потег, а на прес-конференцијата беше доволно искрен и призна дека прославата била наменета за противникот.

– Јас сум едноставно заљубен во прославата на Бен. Сметам дека е навистина оригинална и затоа го копирав. Му ја украдов прославата, тоа е тоа, – изјави Ѓоковиќ.

Novak Djokovic on his phone celebration after beating Ben Shelton:

“I just love Ben’s celebration. I thought it was very original. I copied him. I stole his celebration.” pic.twitter.com/AAi45MBClr

— The Tennis Letter (@TheTennisLetter) September 9, 2023

As if we needed another reason to call Novak Djokovic a legend. #USOpen pic.twitter.com/wZ8nLcaPSF

— Kenny Ducey (@KennyDucey) September 8, 2023