Емери за однесувањето на Мартинез: Ќе разговорам со него кога ќе се врати

Емилијано Мартинез беше еден од хероите на Аргентина на Светското првенство во Катар, човек кој беше на највисоко ниво во најважните моменти и со тоа даде голем придонес за пехарот кој „гаучосите“ го чекаат скоро четири децении.

Голманот освен со својот квалитет се истакна и со своето однесување, провокации кои предизвикаа реакции кај фановите, па околу целата оваа ситуација мораше да се огласи и неговиот клупски тренер од редовите на Астон Вила, Унаи Емери.

-Понекогаш е тешко да се контролираат силните емоции. Ќе разговарам со него, но почитувам што се уште е на репрезентативно отсуство. Кога ќе се врати во клубот тоа ќе биде наша одговорност. Многу сме горди на него, тој стана светски шампион и тоа е извонредна работа, -изјави Емери.