Ѕаниоло не се најде во составот на Рома, спортскиот директор ја смирува тензијата

Николо Ѕаниоло беше исвиркан од фановите на Рома за време на куп пресметката со Џенова, а вечерва воопшто не е во составот на „волчицата“ на дербито со Фиорентина.

Таквиот развој на настаните веднаш предизвика шпекулации дека фудбалерот е незадоволен од својот статус и однесувањето на фановите, па и дека влегол во конфликт со Жозе Мурињо.

Сепак, спортскиот директор Тиаго Пинто тврди дека единствената причина за отсуството на италијанскиот репрезентативец е болеста.

– Николо информираше дека има стомачни проблеми и треска, утре ќе биде прегледан од доктор.

– Не верувам дека добил вакви симптоми од свирежите на фановите, – изјавил Пинто.