Де Ѕерби збесна поради еден потег на менаџерот на Брентфорд, играчите спречуваа инцидент (Видео)

Новото премиерлигашко коло беше отворено со петочниот дуел меѓу Брентфорд и Брајтон, а во него домаќините стигнаа до посакуваната победа со резултат 2:0.

Натпреварот беше одбележан со уште една добра партија на Иван Тони за кого фановите бараат да има сигурно место во англиската репрезентација, но и со дуелот меѓу менаџерите на двете екипи.

Италијанецот Роберто Де Ѕерби не можеше да издржи кога неговиот колега Томас Франк имаше контакт со фудбалер на Брајтон, што донесе ескалација на ситуацијата и фудбалерите мораа да ги одделуваат менаџерите.

– Не сакам кога другите тренери ги допираат моите фудбалери кога разговараат со нив. Јас не го правам тоа,- изјавил Де Ѕерби, кој помина со жолт картон за овој инцидент.