Аргентина ги скокна „кенгурите“ и се пласираше во четвртфиналето (Видео)

Аргентина е вториот патник во четвртфиналето на СП во Катар, потврдувајќи ја фаворитската улога на дуелот со Австралија (2:1).

Лео Меси и неговите колеги не дозволија грешка против аутсајдерот во осминафиналната фаза, а победата беше најавена со голот на Меси во 35. минута од средбата.

Краткото невнимание на австралиската одбрана ја чинеше оваа селекција негатива, а Аргентинците ја зголемија предноста во 57. минута со голот на Алварез.

Во завршницата, Фернандез постигна автогол и ја врати надежта кај ривалот, Мартинез во неколку ситуации ја спасуваше Аргентина од кикс, но јужноамериканскиот состав ја задржа предноста и останува на патот кон посакуваната титула.

Следен противник во четвртфиналната фаза ќе биде Холандија.