Вардар го претстави првото зимско засилување

Екипата на Вардар полека почна да се буди од зимскиот сон, па откако пред неколку дена клубот ги започна подготовките за пролетниот дел од шампионатот денеска беше претставено првото засилување.

Ново име во редовите на „црвено-црните“ е 23 годишниот офанзивец, Дарко Размоски кој може да покрие неколку позици во напаѓачката линија. Размоски е играч кој во досегашната кариера бил дел од Академија Пандев, Беласица, Пелистер, Воска Спорт, а во најтрофејниот македонски клуб доаѓа од Охрид.

Скопскиот состав е на второто место на табелата во ВМФЛ, па иако заминаа неколку важни играчи клубот најави дека ќе се обиде да ги оствари зацртаните цели.