Стерлинг донесе голема радост на „Вембли“: Англија победнички го отвори ЕП (ВИДЕО)

Репрезентацијата на Англија имаше победнички старт на 16. Европско фудбалско првенство.

„Гордиот албион“ се избори за триумф над Хрватска од 1-0 и на посакуван начин го отвори шампионатот на кој е еден од главните фаворити за пехарот. Средбата на „Вембли“ не донесе премногу возбудувања, имаше лоши и добри минути, а најважната ситуација се случи во 57 минута кога Стерлинг јс искористи топката која ја доби од Филипс и ја смести во мрежата на Хрватите.

Англичаните во второто коло се соочуваат со соседот Шкотка, додека пак четата на Далиќ ќе бара позитивен резултат против Чесите на 18 јуни „Хемпден Парк“.