Шкупи се засили со дефанзивец со три шампионски титули од Грузија

Лидерот во најсилниот домашен фудбалски шампионат Шкупи доведе ново име во дефанзивната линија и тоа од Грузија.

По повредата на Абдул Рватубаје кој ќе биде во „аут“ најмалку шест месеци клубот од Чаир реагираше експресно и го доведе во своите редови 25-годишниот Гаги Маргвелашвили.

Маргвелашвили е играч кој може да покрие повеќе позиции во одбраната, а со Шкупи потпиша двегодишен договор.

-Шкупи се бори за титулата во македонската лига и јас ќе работам напорно за да ги оствариме нашите цели. Сакам да победуваме и заедно да славиме заедно, исто посакувам да имаме силни настапи во европските натпреварувања.

-Ветувам дека максимално ќе ги бранам боите на овој дрес, -порача Гаги кој во Грузија има освоено три шампионски и една Куп титула со Сабуртало и Динамо Батуми.