Романија ќе биде противник на македонските ракометарки во баражот за СП

По успешните квалификации на турнирот во Скопје, македонската женска ракометна репрезентација денеска го доби и противникот во баражот за Светското првенство во Шпанија.

Ждрепката на ЕХФ одлучи Македонија да игра два натпревара со Романија, по што една од овие две селекции ќе обезбеди место на завршницата на мундијалот.

Романија ќе биде домаќин на првиот натпревар на 16 или 17 април, додека реваншот ќе се игра во нашата земја на 20 или 21 април.

Останатите парови во баражот се: Турција-Русија, Чешка-Швајцарија, Словенија-Исланд, Словачка-Србија, Украина-Шведска, Австрија-Полска, Унгарија-Италија, Португалија-Германија и Црна Гора-Белорусија.

Светското првенство започнува на првиот ден од месец декември.