Одекна македонската химна на Пол Рикар: Давидовски вечно ќе ја памети трката во Франција (Видео)

Виктор Давидовски со златни букви го запиша своето име во историјата на македонскиот автомобилизам, бидејќи стана првиот возач од нашата земја кој победи на трка во ТЦР Европа.

Претставникот на „Comtoyou Racing“ тимот на Ауди стартуваше од пол позицијата во Франција на втората трка овој викенд и без проблеми го одбрани првото место, па несомнено ова е најголема победа во неговата професионална кариера.

– Ова е прва ваква голема победа во мојата кариера и многу сум среќен поради тоа, – изјави емотивниот Давидовски, чие кратко интервју по трката беше прекинато од неговиот тимски колега, Франко Џиролами.

Аргентинецот се фрли во прегратка на Македонецот и му честиташе за огромниот успех, по кој Давидовски изби и на седмото место во генералниот пласман во ТЦР Европа.

– Франко е мој колега, но тој е и како мој тренер. Многу сме среќни за овој успех, – изјави Виктор пред да се качи на подиумот, каде беше интонирана македонската химна во чест на денешниот победник