АТП
Мекинро: Ѓоковиќ не е најголем, но е најдобар играч на сите времиња
Џон Мекинро е еден од асовите кој има одбележано една ера во светот на тенисот или поточно има дадено голем придонес овој спорт да се развива и дојде до едно ниво кое е денеска.
Мекинро и до ден денеска е блиску до тенисот, коментира, анализира, даде мислења, совети во негов стил отворено и искрено. Веќе некое време трае дебатата за тоа кој е најдобар рекет на сите времиња, а токму Џон на негов начин го издвои Новак Ѓоковиќ.
-Луѓето можат да го мразат или сакаат, но за мене тој е еден од најголемите, не тенисери, туку спортисти во историјата. Има неверојатни физички предиспозиции, а такви психички подготвени спортисти имало многу малку. Таа желба за победа, интензитетот во неговата игра, тоа е импресивно. Нема многу спортисти во историјата кои беа толку интензивни на теренот како Новак во текот на нивната кариера. За мене тој спаѓа во иста категорија како Мајкл Џордан, -истакна Американецот за „Индекс“ кој запрашан за тоа дали денешниот тенис е здодевен, неговиот одговор беше следен:
-Повеќе би рекол дека е предвидлив, а за тоа е крив Ѓоковиќ, најдобриот тенисер на сите времиња. Нема да кажам најголем, но најдобар сигурно. Тој го однесе тенисот на друго ниво и мислам дека само што почнавме да го цениме тоа.
-Тука беа Рожер и Рафа кои делуваа недопирливи, а потоа дојде Новак и се поремети. Сите сакаа Федерер и Надал да бидат на тоа ниво, а Ѓоковиќ на крајот стигна до тоа ниво. Мора да го цениме тоа. Не знам како го одржува тоа ниво, но знам дека не може да трае вечно, -заклучи поранешниот грен слем шампион и некогашн најдобар рекет на светот.
-
Светпред 20 часа
Аргентинците се збогуваа со голема легенда: Ти благодариме, Флако (1938-2024)
-
Англијапред 20 часа
Нова повреда за кулминација на стоперската криза кај Манчестер Јунајтед
-
Италијапред 22 часа
Милан носи тренер и напаѓач од Франција
-
Англијапред 21 час
Мојс се извини за тешкиот пораз кој ќе му го потпише отказот во Вест Хем
-
Шпанијапред 9 часа
Само два клуба од Ла Лига не му ја честитаа титулата на Реал Мадрид (Фото)
-
Англијапред 22 часа
Ливерпул го надигра Тотенхем и им се врати на победите во Премиер лигата (ВИДЕО)
-
Италијапред 18 часа
Инѕаги открил што побарал од раководството на Интер за следната сезона
-
Шпанијапред 6 часа
Чуамени ја сподели легендарната изрека на Коби по освоената титула во Ла Лига (Видео)