Канте издоминира со атрактивен гол и асистенција, Ал Итихад се врати на врвот на табелата (Видео)

Карим Бензема не беше во составот на Ал Итихад на денешниот натпревар против Ал Фатех, но неговото отсуство беше одлично покриено од најдобриот настап досега на сонародникот Н’Голо Канте.

Францускиот фудбалер издоминира на денешната средба и е најзаслужен што избраниците на Нуно Еспирито Санто победија со пресврт и резултат 2:1.

По водството на гостите, следуваше асистенција на Канте до Ромарињо за израмнување, за самиот Канте да реализира атрактивно во надополнувањето на првиот дел, поставувајќи го конечниот резултат.

Со оваа победа, Ал Итихад се врати на врвот на табелата во првенството на Саудиска Арабија.