Димитријевиќ повторно доминираше во ВТБ лигата, шампионот Уникс изгледа несопирливо

Ненад Димитријевиќ ја отвори новата сезона онака како што ја завтори минатата, односно како МВП во ВТБ лигата во која доминира и во почетните неколку рунди.

Македонскиот репрезентативец игра во фантастична форма и повторно беше најдобар играч на Уникс Казањ, тим кој ја запиша третата победа на исто толку натпревари.

По триумфите над Ломотив и Минс, Уникс денеска без проблеми го совлада и Уралмаш со 94:67, а играч на мечот беше фантастичниот плејмејкер кој го заврши натореварт со индекс 32.

За 26 минути минати на паркетот, Нено запиша дабл-дабл од 12 поени и 14 асистенции, па сосема оправдано го понесе МВП епитетот на оваа пресметка.

Со оглед на високиот индекс, многу веројатно е дека македонскиот репрезентативец повторно ќе биде меѓу главните фаворити за играч на колото во ВТБ лигата.