Димитријевиќ и Уникс го доживеаа најтешкиот пораз во оваа сезона

Уникс Казан на Ненад Димитријевиќ тешко губи мечеви во оваа сезона или поточно до денеска имаше само два порази во ВТБ лигата и тоа од ЦСКА Москва на Емил Рајковиќ.

Меѓутоа денеска избраниците на Перасовиќ доживаа вистински дебакл на свој терен и тоа од Локомотив Кубањ кој ги совлада со 103-70. Домаќините одиграа далеку под своето ниво во оваа нова фаза (група на победници) и загуби со дури 33 разлика што е резултат кој никој не го очекуваше ако се земе предвид дека Уникс претходниве две лигашки средби со овој ривал рутински ги доби.

Пет играчи кај Локомотив беа двоцифрени, нивен лидер беше Барфорд со 22 поени. На спротивната страна Хантер има 22 кошеви, додека нашиот Нено застана на 9 поени со 4 асистенции, 1 украдена и 3 загубени топки,

За неколку дена Уникс ќе му гостува на МБА Москва.