Давидовски на подиумот во Холандија со „Дајмонд“ трофеј, Џиролами стигна до третото место во генералниот пласман

Македонскиот тим ПСС Рејсинг имаше солиден настап на првата трка од ТЦР Европа викендот во Холандија, при што покрај освоените поени од Виктор Давидовски и Франко Џиролами, македонскиот автомобилист освои уште еден „Дајмонд“ трофеј.

Поради ова Давидовски се најде и на победничкиот подиум заедно со најдобрите на патеката Зандворт, каде победи Том Коронел.

Давидовски е лидер во ова натпреварување во конкуренција на возачи на возраст над 40 години и по првата трка во Холандија.

Давидовски и Џиролами ги подобрија позициите од кои започнаа, па на крајот Давидовски го освои 11. место, додека Џиролами се најде на 5. позиција, што значи нови поени за двајцата возачи на ПСС Рејсинг.

Џиролами со вкупно 28 поени од квалификациите и првата трка се искачи на третото место во генералниот пласман, додека Давидовски освои 9 поени и стигна до 12. место во конкуренција на дваесетина возачи кои сезонава се натпреварувале во ТЦР Европа.

Утрешната втора трка се вози од 13:10 часот,