Бекер: Федерер е легенда, ама тешко ќе му биде да се врати

Рожер Федерер во изминативе години е повеќе надвор од терените отколку на нив, но тој и понатаму не се откажува од актувното играње иако има 40 години.

Меѓутоа сепак годините имаат влијание, долгата пауза исто така, па останува неизвесно кога ќе може да се врати и во каква форма. Борис Бекер како легенда на овој спорт сака да го види Швајцарецот како повторно се натпреварува, но во исто време порачува дека Федерер ќе има многу потешкотии одново да победува.

-Секако би сакал Рожер повторно да игра тенис. Тој е вистинска легенда на спортот. Би сакал да го видам како победува. Но, реалноста е дека колку повеќе време поминува надвор од теренот, толку потешко ќе му биде да се врати, -вели Бекер.