Лига на шампиони
Ангеловски: Кил е најдобриот тим на светот, со толку технички грешки…
Екипата на Еурофарм Пелистер доживеа пораз во уште еден меч во Лигата на шампионите, овојпат на гостувањето во Германија кај Кил со резултат 29:23.
„Зебрите“ беа апсолутни фаворити и тоа го потврдија на теренот каде прашањето околу победникот го решија уште во првиот дел во кој се стекнаа со предност од девет голови (19-10), па вториот дел беше чиста рутина, заокружување на работата.
Тренерот Бранислав Ангеловски не е задоволен од настапот на неговите играчи или поточно од играта во првите 30 минути во кои беа направени некои потези, грешки кои тим како Кил кој е меѓу најсериозните кандидати за титулата знае и тоа како да ги искористи.
-Игравме против најдобриот тим во светот. Знавме колку е моќен овој тим. Не сум задоволен од нашата игра во првото полувреме, имавме многу технички грешки, а со Кил не се дозволени такви грешки. Во второто полувреме одигравме далеку подобро, Лесјак беше на повисоко ниво, но јасно е дека тоа не може да биде доволно за позитивен резултат. Честитки до Кил и му посакувам да ја освои титулата во ЛШ затоа што тоа го заслужува, -истакна Ангеловски.
Наредниот меч за „фармацевтите“ во елитната конкуренција е против дански Алборг.
-
Светпред 16 часа
Аргентинците се збогуваа со голема легенда: Ти благодариме, Флако (1938-2024)
-
Англијапред 16 часа
Нова повреда за кулминација на стоперската криза кај Манчестер Јунајтед
-
Светпред 21 час
Меч кој ќе се памети: Меси ја одигра најдобрата партија во кариерата (ВИДЕО)
-
Англијапред 21 час
Разиграниот Челси потопи уште еден ривал од Лондон (ВИДЕО)
-
Англијапред 17 часа
Мојс се извини за тешкиот пораз кој ќе му го потпише отказот во Вест Хем
-
Италијапред 19 часа
Милан носи тренер и напаѓач од Франција
-
Светпред 22 часа
Се сели на Апенините: Димитријевиќ се договорил со италијански великан
-
Англијапред 18 часа
Ливерпул го надигра Тотенхем и им се врати на победите во Премиер лигата (ВИДЕО)