Светски првенства
Анализа на Меси: Го посочи најголемото разочарување и трите тима кои се поголеми фаворити за титулата на СП
Аргентина се пласираше во четвртфиналето на Светското првенство со тесната победа над Австралија од 2:1, натпревар кој ќе остане запаметен по извонредната симултанка на Лионел Меси.
Капитенот на „гаучосите“ имаше неверојатно добар натпревар и нудеше шанси со кои тој и соиграчите можеа да имаат многу помирна завршница, но откако не се случи тоа, на спротивната страна извонреден беше и Емилијано Мартинез кој спречи гол за 2:2 во судиското продолжение.
Аргентинците еуфорично го славеа пласманот меѓу осумте најдобри селекции со своите френетични фанови на трибините, а Меси по мечот направил и мала анализа на досега виденото на мундијалот во Катар.
– Не можеме да криеме, ние сме една од селекциите кои се кандидати за титулата. Го гледаме мундијалот, ги гледаме сите натпревари кои можеме. Аргентина е светска сила и секогаш сме меѓу најдобрите. Знаевме дека сме кандидати, но мора да го докажеме тоа и на теренот. Сепак, Бразил останува еден од најголемите фаворити и покрај поразот од Камерун, тука истото важи и за Франција, а секако и Шпанија. Тие знаат на што играат и ќе биде многу тешко да се победат, – изјави Меси и го посочил и најголемото разочарување.
– Навистина останав изненаден што Германија доживеа елиминација уште во групата. Имаа многу добри играчи во тимот и тоа е млада селекција која секогаш е меѓу најдобрите на мундијалите. Изненадувачки е што ги нема после првата рунда, но тоа само докажува колку е тешко да се игра на Светско првенство. Веќе не важи името на селекцијата, туку она што го остварувате на теренот. Секој нареден мундијал е поизедначен и потежок, – вели Меси за „Марка“.
-
Светпред 20 часа
Аргентинците се збогуваа со голема легенда: Ти благодариме, Флако (1938-2024)
-
Англијапред 20 часа
Нова повреда за кулминација на стоперската криза кај Манчестер Јунајтед
-
Италијапред 22 часа
Милан носи тренер и напаѓач од Франција
-
Англијапред 21 час
Мојс се извини за тешкиот пораз кој ќе му го потпише отказот во Вест Хем
-
Шпанијапред 9 часа
Само два клуба од Ла Лига не му ја честитаа титулата на Реал Мадрид (Фото)
-
Англијапред 22 часа
Ливерпул го надигра Тотенхем и им се врати на победите во Премиер лигата (ВИДЕО)
-
Италијапред 18 часа
Инѕаги открил што побарал од раководството на Интер за следната сезона
-
Шпанијапред 6 часа
Чуамени ја сподели легендарната изрека на Коби по освоената титула во Ла Лига (Видео)