Жозе како секој обичен тениски фан: Мурињо побара автограм од Ѓоковиќ (Фото+Видео)

Жозе Мурињо вчера имаше специјална вечер во Рим и уживаше во победата на неговата Рома над Баер Леверкузен, од која посебно ги издвои страста на неговите фудбалери, но и атмосферата која ја создадоа навивачите пред и за време на средбата.

Еден ден подоцна, „специјалниот“ реши да се релаксира со екстра квалитетен тенис на АТП Мастерсот во Рим, а денеска имаше можност да го гледа својот омилен тенисер.

Мурињо во повеќе наврати има порачано дека ужива да го гледа Новак Ѓоковиќ, со кого денеска режирал и два интересни моменти, најпрво за да му посака среќа, а потоа и по мечот.

Србинот ја мина втората рунда во Рим и потешко од очекувањата го надигра Аргентинецот Мартин Ечевери, но по емотивното интервју кое го даде по победата, издвоил време и за тренерот на Рома.

Официјалниот профил на Мастерсот во Рим откри дека Мурињо реагирал како секој обичен тениски фан по изгледаниот меч, па побарал автограм од најдобриот тенисер во светот.

– Nole, can I get an autograph?

– Sure, what's your name?#IBI23 pic.twitter.com/9JFWQlshUx

— Internazionali BNL d'Italia (@InteBNLdItalia) May 12, 2023

The World No. 1️⃣ meets the Special 1️⃣#IBI23 | @DjokerNole | @OfficialASRoma pic.twitter.com/70oFHJsNaW

— Internazionali BNL d'Italia (@InteBNLdItalia) May 12, 2023