Вардар го победи Алкалоид за ново Куп финале со Еурофарм Пелистер

Вардар во сабота ќе го брани трофејот во македонскиот ракометен Куп, откако во денешното полуфинале го совлада Алкалоид со 31:22.

Со одличниот Томовски на голот, „вардарци“ наметнаа ритам на теренот и уште на полувреме имаа солидна предност од 14:9.

Алкалоид во вториот дел успеа во еден момент да намали на три гола негатива, но избраниците на Кире Лазаров немаа сили за повеќе и на крајот останува да чекаат друга шанса за прв настап во финалето на националниот Куп.

Најрасположен на теренот беше Манасков, кој постигна дури 12 гола, додека Серафимов со 6 погодоци беше најдобар реализатор во редовите на Алкалоид.

Во саботното финале во Охрид на програмата ќе биде уште едно големо дерби меѓу Вардар и Еурофарм Пелистер