УЕФА дозволи настап на У-17 репрезентацијата на Русија, Украинците најавија бојкот

Европската фудбалска федерација (УЕФА) реши да одобри настап на руската репрезентација за играчи до 17 години, со што предизвика жестока реакција кај одговорните во Украинската федерација.

УЕФА ги исфрли сите руски репрезентации и клубови од европските натпреварувања, но сега реши да направи исклучок за У-17 селекцијата, сметајќи дека децата не треба да бидат казнувани за одлуките на државното раководство.

Русите повторно би играле без своето знаме, химна и опрема со националните бои и обележја, натпреварите ќе мора да ги играат надвор од земјата, но Украинците сметаат дека не треба да се прават вакви компромиси.

Украина веднаш најави дека нивната репрезентација не планира да игра против Русија ако случајно дојде до таква ситуација.

УЕФА претходно потврди дека не планира да ја повлече одлуката за руските клубови и репрезентации се додека не заврши конфликтот.