Ристовски и Спартак Трнава го одбранија трофејот во Купот на Словачка (ВИДЕО)

Спартак Трнава на нашиот репрезентативец, Милан Ристовски втора година по ред успеа да го освои трофејот во Купот на Словачка.

Во завршниот меч, големото финале Милан и неговите колеги беа подобри од актуелниот лидер во домашниот шампионат Слован Братислава со 3-1. Грин во 57 минута донесе предност за Слован, но Трнава не се предаде, беше упорна и во 85 минута го израмни резултатот преку Таиво и на тој начин избори продолженија на натпреварот.

Во ова екстра време 2х15 минути подобро се снајде Трнава која даде уште два гола и со тоа дојде до пехарот во ова натпреварување, а со тоа и загарантиран настап во европските купови во следната кампања.

Ристовски не беше стартер, настапи од 72 минута кога го замени Коса.