Ракометните надежи ја решија Грузија и се меѓу 16 најдобри на светот

Машката ракометна репрезентација до 19 години го потврди статусот на фаворит и славеше над Грузија со 27-21 во третиот меч во групната фаза на Светското првенство во Хрватска.

Со овој триумф избраниците на Раде Стојановиќ обезбедија пласман во наредната фаза, поточно се во Топ 16 на светот. До второто славје на шампионатот дојдовме со подобра игра во двете полувремиња, првите 30 минути ги реализиравме со 13-10, додека вторите 14-11.

Со учинок 2-1 и четири освоени бода одиме во главната фаза.

За играч на натпреварот на вечерашната пресметка беше прогласен голманот Иван Галевски.

Пред нашите таленти сега се соочувања со Данска и Австрија.