Далас им се врати на победите, Дончиќ со урнебесна реакција ги исмеваше судиите (Видео)

Далас претрпе прв сезонски пораз во дербито со Денвер и со тоа беше прекината серијата од четири победи, но Маверикси експресно реагираа и го архивираа неуспехот од шампионот.

Тимската игра на Далас овојпат дојде до израз и Лука Дончиќ не мораше да презема се во свои раце, бидејќи покрај поддршката од Ирвинг кој запиша 18 поени, од голема помош беа и Вилијамс со 18 и Хардавеј со 14 поени.

Словенецот беше најефикасен во својот тим во победата од 124:118 со 23 поени и 13 скокови, а на крајот му фалеше само една асистенција за трипл-дабл учинок.

На крајот, хајлајт на вечерта е реакцијата која ја имаше Лука по техничката грешка која ја доби по дуел со Ламело Бол, кога реши и да се исмева со судиите за третманот кој го добива.

Дончиќ го врати Шарлот во игра на почетокот на последниот период, но на крајот тоа немаше негативно влијание врз конечниот резултат.