Челси ќе му плати на фудбалер за да се пресели во друг клуб

Постојаните инвестиции на Челси во нови фудбалери придонесуваат често во ростерот да има и неупотребувани фудбалери, кои истовремено добиваат и големи плати.

Во таква ситуација е и Рос Баркли, играчот за врска кој никогаш не успеа да се наметне како прв избор и повремено добиваше минутажа, а кого Челси сега се обидува да го елиминира од платниот список.

Баркли заработува 200.000 фунти неделно, па сега лондонскиот клуб е решен да му плати фиксна отштета, само да прифати понуда од друг клуб, каде би играл наредниот период.

Челси плати 15 милиони фунти за Баркли во 2018 година, а оттогаш забележа 100 настапи за „сините“, при што една сезона беше позајмен во Астон Вила.

Се претпоставува дека Баркли може да заврши во некој премиерлигашки клуб, но барем засега Челси нема добиено конкретна понуда.