200.000 фанови веќе ја потпишаа петицијата за преигрување на мундијалското финале

Повеќе од 200.000 фудбалски фанови ја поддржаа петицијата, со која се бара преигрување на финалето на СП во Катар.

Аргентина ја победи Франција на пенали, но француските фанови сметаат дека нивната селекција неколку пати била оштетена, па затоа бараат нов дуел за одлука на светскиот првак.

Како главни причини за петицијата се наведени непостоечкиот пенал за Аргентинците, како и фактот што вториот гол на Аргентина не бил поништен, иако во акцијата имало прекршок над Мбапе.

Петицијата може да се најде на следниот линк

Во финалето, Аргентина водеше 2:0 и 3:2, за на крајот да ја совлада Франција на пенали.