Уругвајците го промовираа новиот селектор Биелса со специјално видео

Уругвајската фудбалска федерација официјално го промовираше Марсело Биелса за нов селектор, а тоа го направи со специјално подготвено видео.

Искусниот тренер ќе ја преземе јужноамериканската репрезентација, која постигна разочарувачки резултати на последното СП во Катар, на кое Уругвајците не успеаја да ја минат првата фаза.

Биелса беше без ангажман од минатата година кога го напушти Лидс Јунајтед, а сега постигнал договор со Уругвајците до 2026 година, односно до следното Светско првенство.

Биелса ќе биде прв Аргентинец на позицијата уругвајски селектор по цели 22 години, кога таа функција ја извршуваше Даниел Пасарела.

🇺🇾 “𝐄𝐥 𝐩𝐮́𝐛𝐥𝐢𝐜𝐨 𝐫𝐞𝐜𝐥𝐚𝐦𝐚 𝐣𝐮𝐞𝐠𝐨 𝐲 𝐞𝐦𝐨𝐜𝐢𝐨𝐧𝐞𝐬”

Llegó la hora. #ElEquipoQueNosUne pic.twitter.com/4HQPlXF5ly

— Selección Uruguaya (@Uruguay) May 15, 2023