Сити доби посакуван ривал во полуфиналето на ФА Купот

Познати се три од четирите екипи кои ќе играат во самата завршница на ФА Купот, но иако дуелот меѓу Манчестер Јунајтед и Фулам е во тек веќе се познати паровите, поточно кој со кого ќе вкрсти во полуфиналната рунда која ќе се игра на „Вембли“.

Полуфиналните пресметки се закажани за 22 и 23 април со тоа што веќе една имаме формирано-тоа е онаа меѓу Манчестер Сити и Шефилд Јунајтед. Сити вчера го прегази Барнли на Дарко Чурлинов со 6-0, додека пак денеска Шефил Јунајтед го доби трилерот против Блекбурн со 3-2.

Ова значи дека „граѓаните“ ќе имаат голема шанса да играат во финалето затоа што ќе бидат апсолутно фаворити против составот од Чемпионшип лигата.

Кога е во прашање вториот пар, Брајтон немаше никакви проблеми против Гримзби (5-0) и сега мирно ќе го испрати мечот на „Олд Трафорд“ кој  ќе го даде последниот полуфиналист, ривалот на избрнаиците на Де Ѕерби.