Руски пливач доби суспензија од ФИНА поради учество на воена парада

Рускиот пливач Евгени Рилов е суспендиран од страна на Светската пливачка федерација (ФИНА) затоа што присуствувал на воена парада во својата земја.

Рилов бил дел од парадата која беше организирана како поддршка за руската инвазија во Украина, па затоа сега доби 9-месечна суспензија.

Рускиот претседател Владимир Путин ја предводеше парадата на која присуствувале и други спортисти, а сите ја носеле и буквата „З“ која се смета за про-руска воена ознака.

Рилов е меѓу најдобрите пливачи на денешницата, а на последната Олимпијада во Токио освои златни медали во дисциплините 100 и 200 метри грбно.

Рускиот пливач ќе биде суспендиран најмалку до крајот на јануари, а во меѓувреме го загуби и спонзорскиот договор со „Спидо“.