Поранешен бразилски голман: Се знае за кого треба да навиваме во финалето

Поранешниот бразилски репрезентативец Жулио Сезар ретко се појавува во медиумите со коментар за фудбалски теми, но овој пат зборувал за претстојното мундијалско финале.

Аргентина ќе го предизвика актуелниот светски првак Франција во Доха, а европскиот клупски првак со Интер смета дека неговите сонародници не смеат да бидат лицемери.

– Бразилците мора да навиваат за Франција во финалето и тука нема што да се дебатира.

– Го сакам Меси, но како и секој Бразилец не можам да заборавам на ривалството со Аргентина.

– Ако Бразил играше во финалето, Аргентинците сигурно немаше да навиваат за нас. Затоа, да не бидеме лицемери, – истакнал Сезар.