Перез го активираше петтото летно засилување, Реал се пофали со неговите неверојатни потези (Видео)

Флорентино Перез навести дека Реал Мадрид го завршува летниот преоден рок уште во месец јуни со четирите ангажмани на Гарсија, Дијаз, Белинам и Хоселу, но сепак на почетокот на месец јули доби сериозен предизвик и претседателот на „кралевите“ не одолеа на истиот.

Сериозниот интерес на фудбалски великани како Милан и Барселона за Арда Ѓулер го направија „турскиот Меси“ мета број еден во Европа, а Реал ја искористи својата добра финансиска позиција за да ги надмудри останатите и експресно да го договори неговиот ангажман.

18-годишниот тинејџер беше во напредни преговори со Барса и беше блиску до „Камп Ноу“, но на крајот по негова желба дошло до промена на ситуација и на крајот завршува на „Сантијаго Бернабеу“.

Реал Мадрид ќе плати 20 милиони евра, Фенербахче може да добие уште 10 милиони евра во бонуси, а задржува 20 проценти од правата за негова идна продажба.

– Реал Мадрид и Фенербахче постигнаа договор за трансфер на Арда Ѓулер, кој се обврза на верност кон нашиот клуб за шест сезони. Утре, 7-ми јули ќе биде претставен во клубот со почеток во 12:00 часот. После презентацијата, тој ќе има и обраќање пред новинарите, – гласи објавата на Реал, по што следеше видео од најдобрите потези на големиот фудбалски „бисер“.

👀 D. Locos.#WelcomeArda | @10ardaguler pic.twitter.com/2DuJChPxvL

— Real Madrid C.F. (@realmadrid) July 6, 2023