Не е подготвен: Надал нема да игра во Монте Карло

Поранешниот светски рекет број еден, Рафаел Надал нема да настапи на Мастерсот во Монте Карло.

Шпанецот веќе подолго време е надвор од терените и тоа од Австралија Опен со тоа што информациите беа дека тој ќе се врати кога ќе започне сезоната на земја, поточно за кам-бек беше посочуван турнирот во малото кнежество.

Сепак таквите прогнози не се оствари и тоа го потврди самиот Надал преку социјалните мрежи:

-Здраво на сите, се уште не сум подготвен да се натпреварувам на највисоко ниво. Нема да можам да играм на еден од најважните турнири во мојата кариера-Монте Карло. Не сум во позиција да играм и го продолжувам мојот процес на подготовка, со надеж дека ќе се вратам наскоро, напиша Рафа.

Мастерсот во Монако се игра од 9 до 16 април.

Hola a todos, aún no me encuentro preparado para competir al más alto nivel. No podré jugar en uno de los torneos más importantes de mi carrera, Monte Carlo. No estoy aún en condiciones de jugar con las máximas garantías y continúo mi proceso preparación, esperando volver pronto

— Rafa Nadal (@RafaelNadal) April 4, 2023