Меси има уште една голема желба која сака да ја оствари до крајот на кариерата

Лионел Меси го пропушти последниот меч против Орландо поради мала мускулна повреда, но додека се рехабилитира од истата, пронајде време да одработи уште едно интервју.

Аргентинецот е апсолутно најголема ѕвезда во САД по пристигнувањето во МЛС лигата и значително ја подигна популарноста на првенството, но 36-годишникот се уште има широка слика за својата кариера и не е убеден дека кариерата ќе ја заврши во Интер Мајами.

Меси уште еднаш нагласи дека има уште една неостварена цел во кариерата, а тоа е истата да ја заврши како актуелен светски шампион играјќи за матичниот Њуелс Олд Бојс.

– Отсекогаш сум размислувал за една идеја и мислам дека веќе сите ја знаете. Сакам да уживам во аргентинскиот фудбал како актуелен светски шампион, сакам да го правам тоа како играч на Њуелс.

– Не размислувам за крајот на кариерата, не знам што ќе правам после фудбалот. Сакам да уживам во моментот, сакам да уживам во тоа што го правам и не размислувам многу за иднината, – вели Меси.