Лина не режираше „слатка одмазда“ и остана на чекор до финалето во Ираклион

Лина Ѓорческа имаше фуриозно издание во четвртфиналето и успеа да освои 12 гејма по ред за победа од 6:1 и 6:0, но иако имаше голема желба за „слатка одмазда“ против Екатерина Макарова, на крајот повторно подобра беше Русинката.

Ѓорческа загуби со 2:1 на претходниот меч со Макарова кој исто така се играше во Ираклион, а денеска како клучен се покажа првиот сет во кој имаше голема неизвеснот и борба до последен поен.

Најдобрата македонска тенисерка остана на еден чекор од финалето ан силниот турнир, бидејќи откако го загуби воведниот сет со 10:8 во тајбрејкот, моментумот се префрли на руската страна.

Макарова поведе со 5:1 и стана јасно дека мечот е под нејзина контрола, па иако Лина не се предаде и освои два гејма, на крајот Русинката на свој сервис ги постави конечните 6:3 за пласман во финалето.

Мечот беше одбележан од многу брејк топки и одземени сервиси, па на крајот пресуди еден брејк повеќе за Русинката (6 наспроти 5), како и добиениот тајбрејк со минимален резултат.