Лацио може да остане и без најдобриот голгетер: Тој ми е како син, но…

Лацио успеа да обезбеди пласман во Лигата на шампионите, но наместо тоа да биде дополнителен мотив и клубот да се засили, направи покомпетитивен состав, калчолигашот за кратко време може да остане без двајца клучни играчи.

Веќе е познато дека лацијалите го загубија српскиот репрезентативец Сергеј Милинковиќ Савиќ кој замина во Ал Хилал, трансфер за кој италијанскиот тим ќе инкасира 40 милиони евра.

Меѓутоа постои можност големите промени тука да не застанат и тимот од „Олимпико“ да го загуби и најдобриот стрелец, Чиро Имобиле. И за Имобиле интерес има од Саудиска Арабија, па претседателот Клаудио Лотито ја остави вратата отворена притоа посочувајќи колкава сума е потребна за да се случи ваква операција.

-Немам добиено никаква официјална понуда за Имобиле. Тој ми е како син, не е на продажба. Единствениот начин е понуда од 50 милиони евра. Дури и за таа сума не би бил сигурен, -истакна Лотито.

Италијанецот има договор до 30 јуни 2026 година.