Капело истакна двајца фудбалери кои најмногу го изненадиле на СП во Катар

Фабио Капело одамна се повлече од тренерската работа, но активно ги следи случувањата на фудбалската сцена, а со тоа и на СП во Катар.

Во последното интервју за „Марка“, Италијанецот зборувал на повеќе теми, испраќајќи поддршка и за веќе екс шпанскиот селектор Луис Енрике.

Капело истакнал и кои фудбалери позитивно го изненадиле на СП.

– Имаше повеќе фудбалери кои се истакнаа, но ако треба да бирам тоа се хрватскиот голман Ливаковиќ и мароканскиот репрезентативец Унахи, рекол Капело.

Италијанецот истакнал дека е задоволен од судискиот критериум на овој турнир.

– Судиите дозволија повеќе да се игра и ме потсетија на фудбалот од пред некое време. Симулациите се намалуваат, дозволен е контакт, се надевам дека ваќа ќе се суди и во Лигата на шампионите, – изјавил Капело.