Ѓоковиќ се раздели со важни членови на тимот по 10 години: Точно е, продолжуваме во различни насоки

Новак Ѓоковиќ успешно го започна настапот во сингл на Мастерсот во Париз и веќе обезбеди виза за осминафиналната фаза, а новинарите кои ја следат неговата кариера детектираа дека одреден период во неговата ложа не се присутни двајца долгогодишни соработници.

И во француската престолнина, на трибините ги нема Едоардо Арталди и Елена Капеларо, а српскиот тенисер вечерва на прес-конференцијата потврдил дека тие веќе не се дел од неговиот тим.

– Остануваме пријатели, но професионално решивме да се движиме во различни насоки. Тие беа мои агенти повеќе од десет години, но веќе не соработуваме.

– Влегувам во ново поглавје надвор од теренот, транзицијата нема да биде лесна, но полека ќе стигнеме до целта, – изјавил Ѓоковиќ.

Следен противник на Ѓоковиќ е Грикспор, додека српскиот тенисер реши да се повлече од настапите во дубл.

.@DjokerNole, @TheBorisBecker, Edoardo Artaldi, and Elena Cappellaro pose with the trophy in locker room #AusOpen pic.twitter.com/7S0von13rO

— NO ONE LIKE NO1VAK (@TanjaKudra) February 1, 2015