Директорот на АМС додели благодарници на продуцентите на филмот за Дарко Панчев

На изборот за најуспешни спортисти на Македонија 2023, посебна благодарница од директорот на Агенцијата за млади и спорт добија продуцентите на документарниот филм за Дарко Панчев, Спорт Клуб ТВ, Спорт Нетворк од Србија и Спортско радио 90,3 ФМ од Македонија.

Наградите ги примија Радован Максимовиќ во име на „Спортнетворк“ и Тони Митев во име на „Спортско радио 90,3“.

Овој филм беше промовиран пролетва во Скопје, а по тој повод во земјава допатуваа повеќе негови соиграчи и познати лица од светот на фудбалот.

На меѓународниот фестивал за спортски филм што летово беше одржан на Златибор, овој филм доби и специјална награда – „Најдобар филм за личност од спортот“.