Тата Мартино: Морав да го смирувам Меси по дуелот со Нешвил

Лионел Меси има фантастичен старт во дресот на Интер Мајами и експресно го потврди она за што беше доведен во МЛС клубот, кој веќе освои и прв трофеј.

Аргентинецот и останатите засилувања допрва ќе го поправаат впечатокот во МЛС, но Меси апсолутно размислува само за победи и не може да прифати поинаков епилог на натпреварите на својата екипа.

Тоа го потврдува и тренерот Тата Мартино, кој на медиумите им открил дека Меси бил вознемирен по последното реми без голови во дуелот со Нешвил.

– Лео беше очигледно фрустриран по ремито без голови против Нешвил.

– Морав да му велам: Опушти се, нема да можеме да победиме на сите натпревари.

– Беше многу разочаран, јасно е дека размислува само за победи и тешко е да му го промените менталитетот, – истакнал Мартино.